Դիլիջանը Հայստանի ամենահայտնի հանգստավայրերից մեկն է և սիրված առողջարանային քաղաք: Այն եզակի է իր հին հայկական ճարտարապետական ոճով: Հնագիտական պեղումները ցույց են տվել, որ այստեղ մարդիկ բնակություն են հաստատել դեռևս բրոնզեդարյան ժամանակներից, ինչը նշանակում է, որ քաղաքը հայտնի է եղել դեռևս հին ժամանակներից: Այսօր Դիլիջանը համարվում է խոշոր տուրիստական կենտրոն: Այն գրավում է զբոսաշրջիկներին իր բնությամբ, սաղարթախիտ անտառներով, հանքային ջրերով, թարմ լեռնային օդով և հին պատմությամբ: Դիլիջանին կից գտնվում են ոչ պակաս հայտնի երկու վանքային համալիրներ՝ Գոշավանքը և Հաղարծինը: